اسرائیلی حساس ادارے کے ایجنٹوں نے اتوار کے روز مقبوضہ یروشلم کے رہائشی فلسطینی قیدی عزالدین ابو صبیح کو نقب کے صحرا کے سامنے سے گرفتار کر لیا ہے۔ فلسطینی شہری کی یہ گرفتاری ان کی جیل سے رہائی کے فوری بعد عمل میں لائی گئی ہے۔
ابو صبیح کوپونے تین سال کی قید کاٹنے کے بعد اسرائیلی جیل سے رہا کیا گیا تھا۔ ایک سے زائد بار قید کیے گئے اس فلسطینی کو اب نظر بند کیا گیا ہے۔
اسی طرح کے ایک اور واقعے میں اسرائیلی قابض پولیس نے ایک فلسطینی بچے ادھم السلایمہ کو بھی حراست میں لے لیا ے۔ ادھم کی عمر صرف 11 سال ہے۔یہ فلسطینی بچہ سلوان ٹاون کے نزدیکی آبادی راس العمود کا رہنے والا ہے۔
اسی دوران اسرائیلی قابض اتھارٹی نے شفعاط پناہ گزین کیمپ کے رہائشی فلسط نی قیدی معتصم حسین کو رہا کر دیا ہے۔ معتصم حسین کو 30 روز تک ایک تفتیشی عقوبت خانے میں زیر تفتیش رکھا گیا۔ اب انہیں رہائی کے بعد گھر میں نظر بند کیا گیاہے۔
