غزہ – (مرکزاطلاعات فلسطین فاؤنڈیشن) اسلامی تحریک مزاحمت (حماس) نے کہا ہے کہ مجرم قابض اسرائیلی فوج کی جانب سے ہمارے فلسطینی عوام کے خلاف کی جانے والی میدانی پھانسیوں کی کارروائیاں، جن میں تازہ ترین گذشتہ منگل کی شام مقبوضہ بیت المقدس کے شمال میں واقع قصبے الرام میں پیش آئی، قابض دشمن کے ان وحشیانہ جرائم کے ریکارڈ میں ایک اضافہ ہے جو خطرناک حد تک بڑھ رہے ہیں۔
حماس نے بدھ کے روز جاری کردہ ایک بیان میں شہید زکریا علی محمد قديس (عمر 44 سال) کو خراج عقیدت پیش کیا، جو الرام قصبے میں قابض اسرائیلی فوجیوں کے ہاتھوں میدانی پھانسی کے ایک بہیمانہ جرم کے نتیجے میں جام شہادت نوش کر گئے۔
تحریک نے اس بات پر زور دیا کہ یہ جرائم ہمارے عوام کے عزم و ارادے کو توڑنے میں کبھی کامیاب نہیں ہوں گے، بلکہ یہ اس حساب کی رقم میں مزید اضافہ کریں گے جو قابض اسرائیل کو چکانا پڑے گا اور یہ جرائم مزاحمت کے ہیروز کے حملوں کی صورت میں قابض دشمن پر قہر بن کر ٹوٹیں گے۔
بیان میں اس عزم کا اعادہ کیا گیا کہ یہ سفاکیت ہمارے عوام کے دلوں میں اپنے قومی اور تاریخی حقوق کے حصول کے لیے مزید پختگی پیدا کرے گی۔
حماس نے مقبوضہ مغربی کنارے، مقبوضہ بیت المقدس اور تمام فلسطینی شہروں اور دیہاتوں میں موجود اپنے عوام اور انقلابی نوجوانوں سے اپیل کی ہے کہ وہ استطانی بستیوں کی تعمیر اور یہودیت میں بدلنے کی بڑھتی ہوئی سازشوں کے خلاف، جو ہماری سرزمین، مقدسات اور فلسطینی عوام کو نشانہ بنا رہی ہیں، اپنی تحریک اور نفیر میں تیزی لائیں اور قابض اسرائیل و اس کے غاصب آباد کاروں کے جرائم کا بھرپور مقابلہ کریں۔
