مصر ی حکومت کا فلسطینی طلبہ کے لئے رفح سرحد کھولنے کا فیصلہ

مصری حکومت نے غزہ میں پھنسے ہوئے فلسطینی طلبہ کی خاطر 48 گھنٹے کے لئے رفح سرحد کھولنے کا فیصلہ کیا ہے- فلسطینی قومی اتحاد و مصالحتی کمیٹی نے رفح سرحد کھولے جانے کے مصری فیصلے کا خیر مقدم کیا ہے- کمیٹی کی طرف سے جاری بیان میں کہاگیاہے کہ مصری حکومت کا فیصلہ مصالحتی کمیٹی کی ان تھک کوششوں کانتیجہ ہے – کمیٹی گزشتہ چند ہفتوں سے مصری حکام سے مسلسل رابطے میں تھی اور انہیں طلبہ کی مشکلات کے حوالے سے آگاہ کر رہی تھی – مصری حکومت کو بتایا گیا کہ کس طرح طلبہ غزہ سے باہر اپنی تعلیم جاری رکھنے کے لئے بے چین ہیں اور سرحد کھلنے کے منتظر ہیں- رفح سرحد بند ہونے کی وجہ سے طلبہ کی تعلیم کا سخت نقصان ہو رہا تھا-