قابض اسرائیلی فوج نے کل اتوار کو بیت المقدس میں مسجد اقصیٰ اور باب العامود کے مقام سے پانچ فلسطینی شہریوں کو حراست میں لے لیا جب کہ تین فلسطینیوں کی قبلہ اول میں داخلے پرپابندی عاید کردی۔
مقامی ذرائع نے بتایا کہ قابض فوج نے مسجد اقصیٰ میں نماز کی ادائی کے بعد تین فلسطینیوں ابراہیم خلیل، محمد السعد اورخالد ابراہیم کو حراست میں لے لیا۔
ادھر قابض فوج نے القدس میں تحریک فتح کے رہ نما عاھد الرشق، سماجی کارکن ناصر عجاج کو باب العامود کے مقام پر جنین کے اسرائیلی دہشت گردی کے متاثرین سے اظہار یکجہتی پر حراست میں لے لیا۔
