بیروت – (مرکزاطلاعات فلسطین فاؤنڈیشن) لبنانی وزارت صحت نے اعلان کیا ہے کہ گذشتہ دو مارچ سنہ 2026ء سے لبنان پر قابض اسرائیل کی جاری سفاکانہ جارحیت کے نتیجے میں شہداء کی تعداد3666اور زخمیوں کی تعداد گیارہ ہزار تین سو اکیس ہو گئی ہے۔
وزارت نے بتایا کہ جنوبی لبنان کے شہر صور کے محلہ المساکن میں قابض اسرائیل کے ایک فضائی حملے کے نتیجے میں آٹھ افراد شہید ہوئے جبکہ بتیس دیگر افراد مختلف نوعیت کے زخموں کا شکار ہوئے۔
وزارت کی رپورٹ کے مطابق جنوبی لبنان کے قصبے المروانیہ میں بھی ایک قابض اسرائیلی فضائی حملے کے نتیجے میں دو افراد شہید ہوئے جن میں ایک بچہ بھی شامل ہے جبکہ دس شہری زخمی ہوئے ہیں۔
اس کے علاوہ آج صبح سویرے قضاء النبطیہ کے قصبے زفتا میں قابض اسرائیل کی طرف سے کیے گئے ایک فضائی حملے میں سات شہری شہید اور متعدد دیگر زخمی ہوئے ہیں۔
اسی تناظر میں لبنانی نیشنل نیوز ایجنسی نے ذکر کیا ہے کہ قابض اسرائیل کی افواج نے سرحدی قصبے مارون الراس میں متعدد گھروں کو بارود سے اڑا دیا ہے جس کے نتیجے میں املاک اور بنیادی ڈھانچے کو بڑے پیمانے پر نقصان پہنچا ہے۔
یہ سب کچھ جنوبی لبنان کے کئی علاقوں میں قابض اسرائیل کی مسلسل عسکری کشیدگی کے سائے میں ہو رہا ہے۔ انسانی حالات کے مزید بگڑنے اور مسلسل فضائی حملوں و عسکری کارروائیوں کے باعث شہداء کی تعداد میں اضافے پر شدید انتباہ جاری کیا گیا ہے۔
