غزہ کی طرف ایرانی امدادی جہاز کی روانگی فی الحال معطل: آئی آر سی ایس

ایرانی ریڈ کریسنٹ سوسائٹی (آئی آر سی ایس)نے غزہ کی طرف اس ہفتے بھیجے جانے والے امدادی جہاز کی روانگی فی الحال روک دی ہے۔ پریس کے نام جاری بیان میں آئی آر سی ایس نے دعویٰ کیا ہے کہ اس تعطل کی وجہ اسرائیل کی طرف سے غزہ کی طرف جانے والے جہازوں اور حکومت مصر کی طرف سے نہر سویز میں جہاز کے داخلے پر پابندی ہے۔ سویز نہر انتظامیہ کے ایک معتبر ذرائع کے مطابق ،مصر عالمی معاہدات کے مطابق کسی بھی جہاز کو سویز سے گزرنے کی اجازت دینے کا پابند ہے، سوائے ان ممالک کے جہازوں کو جن کے ساتھ اس کی براہ راست جنگ چل رہی ہو۔