Connect with us

اسرائیل کی تباہی میں اتنا وقت باقی ہے

  • دن
  • گھنٹے
  • منٹ
  • سیکنڈز

Uncategorized

صہیونی غاصبوں کا القدس کے ایک گھر پر قبضہ

palestine_foundation_pakistan_jewish-settlers-attack7

اسرائیل کے انتہاء پسند یہودیوں نے صہیونی فوج کے تعاون سے مقبوضہ بیت المقدس کے علاقے سلوان میں مکبر پہاڑ کی قریبی فاروق کالونی میں ایک تین منزلہ فلسطینی گھر پر قبضہ کر لیا ہے۔ مقامی ذرائع کے مطابق غاصب انتہاء پسند یہودیوں نے اسرائیلی پولیس کے تعاون سے جس گھر پر دھاوا بولا وہ علی قراعین نامی مرحوم شہری کے خاندان کے زیر استعمال ہے۔ اس گھر میں تین خاندان آباد ہیں جن کے کل افراد کی تعداد 20 ہے۔گھر میں متوفی علی احمد قراعین کے بیٹے، والدہ، بھتیجے اور دیگر رشتہ دار مقیم ہیں۔ سلوان میں انہدامی دھمکیوں کے زیر اثر گھروں کی دفاعی کمیٹی کے رکن فخری ابودیاب نے بتایا کہ گھر میں رہائش پذیر خاندانوں کو تین ماہ قبل گھر خالی کرنے کا نوٹس دیا گیا تھا جبکہ اہل خانہ کا غاصب یہودیوں سے تنازعہ تین سال سے جاری ہے۔ انتہاء پسند یہودیوں کا کہنا ہے کہ انہوں نے یہ گھر مالک مکان کے بیٹے سے خرید رکھا ہے جبکہ قراعین خاندان کے افراد یہودیوں کے دعوے کی نفی کر رہے ہیں۔

Click to comment

Leave a Reply

Your email address will not be published. Required fields are marked *

Copyright © 2018 PLF Pakistan. Designed & Maintained By: Creative Hub Pakistan