بیت المقدس میں یہودیوں کے لیے مزید 105 گھروں کی تعمیر کا آغاز

قابض اسرائیلی حکومت کی جانب سے مقبوضہ بیت المقدس کو یہودی شہر بنانے کی سازش پر عمل جاری ہے- ذرائع کے مطابق مقبوضہ بیت المقدس کے رہائشی علاقوں میں یہودیوں کے لیے 105 گھروں کی تعمیر کا کام آج سے شروع کر دیا گیا- اسرائیلی ریڈیو کے مطابق جنوبی بیت المقدس کے جبل مکبر محلے میں یہودی آبادی کی تعمیر کے دوسرے مرحلے کی سنگ بنیاد کی تختی کا آج افتتاح کیا جائے گا- اس محلے میں یہودیوں کے لیے 91 گھروں کی تعمیر مکمل ہوچکی ہے جبکہ دوسرے مرحلے میں 105 گھر تعمیر کیے جائیں گے-