مقبوضہ بیت المقدس ۔ ( فلسطین نیوز۔مرکز اطلاعات) قابض صہیونی فوج اور پولیس کی فول پروف سیکیورٹی میں یہودی شرپسندوں کی مسجد اقصیٰ کی بے حرمتی کا سلسلہ جاری ہے۔ گذشتہ روز ڈیڑھ سو یہودی آبادکاروں نے فوج اور پولیس کی فول پروف سیکیورٹی میں مسجد اقصیٰ میں داخل کر مقدس مقام کی بے حرمتی کی۔
مرکزاطلاعات فلسطین کے مطابق اتوار کواسرائیلی فوج اور پولیس کی فول پروف سیکیورٹی میں یہودی آباد کاروں اور صہیونی انٹیلی جنس حکام سمیت بیسیوں یہودیوں نے مسجد اقصیٰ میں گھس کر بے حرمتی کی۔ اسرائیلی فوج کی فول پروف سیکیورٹی میں درجنو یہودی آباد کاروں نے قبلہ اول میں گھس کر مقدس مقام کی بے حرمتی کی۔ یہودی آباد کار الگ الگ گروپوں کی شکل میں قبلہ اول میں داخل ہوئے۔
خیال رہے کہ یہودی آباد کاروں کی طرف سے مسجد اقصیٰ کی بے حرمتی اور مقدس مقام پردھاوے ایک ایسے وقت میں بولے جا رہے ہیں جب دوسری طرف یہودی مذہبی تہوار’ایام توبہ‘ اور عید کپور منا رہے ہیں۔
