یورپ کی اسرائیل کے لیے فضائی سروس بند کرنے کی دھمکی

یورپی یونین نے یورپ سے تل ابیب آنے والے ہوائی جہازوں کے اغوا کے خطرے کی پیشگی اطلاع دینے والے نظام کے نصب کئے جانے کی اسرائیلی تجویز مسترد کر دی ہے. یورپی یونین کے کمیشن کا کہنا ہے کہ اسرائیل نے یورپی جہازوں میں مخصوص آلات لگانے پر زور دیا تو تل ابیب کے لیے ہر قسم کی فضائی سروس معطل کر دی جائے گی. مرکز اطلاعات فلسطین نے اسرائیلی میڈیا کے حوالے سے اپنی رپورٹ میں بتایا ہے کہ اسرائیل یورپ سے آنے والے مسافر طیاروں میں “پازیٹیو کوڈ” کے نام سے ایک جدید آلہ نصب کرانا چاہتا ہے. یہ نظام اسرائیل مخالف عناصر کی طرف سے طیاروں کی ہائی جیکنگ اور عملے کو یرغمال بنا جانے کی صورت میں متعلق پیشگی وارننگ دے گا. یورپی یونین نے اسرائیل کی یہ تجویز مسترد کر دی ہے. یورپین کمیشن کی جانب سے جاری ایک بیان میں کہا گیا ہے کہ یورپ اپنے مسافر طیاروں میں نگرانی اور ہائی جیکنگ کی پیشگی اطلاع سے متعلق کسی بھی نوعیت کا نظام نصب کرنے کی اجازت نہیں دے گا اور اسرائیل نے اس کے باوجود ایسا کرنے کی کوشش کی تو یورپ کے لیے فضائی سروس معطل کر دی جائے گی. اسرائیلی میڈیا کے مطابق یورپی یونین کی طرف سے اسرائیل کے لیے فضائی سروس کے سلسلےمیں پہلی مرتبہ اتنا سخت موقف اختیار کیا گیا ہے. رپورٹ کے مطابق یورپی یونین کی جانب سے مسافر طیاروں کی اسرائیل کے لیے پروازیں معطل کرنے کے ممکنہ فیصلے کا اطلاق سرکاری اور غیر سرکاری تمام فضائی کمپنیوں کے جہازوں پر ہو گا.