غزہ کے لیے شام کا امدادی قافلہ روانہ

محصور فلسطینی عوام کے لیے شام کا امدادی قافلہ گزشتہ روز دمشق سے غزہ کے لیے روانہ ہو گیا-
امدادی قافلہ دس ٹرکوں پر مشتمل ہے جن پر ایک سو چالیس ٹن غذائی اور طبی سامان اور کپڑے ہیں-’’ شامی عوامی کمیٹی برائے امداد فلسطینی عوام‘‘ کے سربراہ احمد عبدالکریم نے کہا کہ غزہ کے محصور فلسطینیوں کے لیے امدادی سامان شام کے مختلف شہروں سے اکٹھا کیا گیا ہے-

انہوں نے شامی خبر رساں ایجنسی ’’سانا ‘‘سے گفتگو کرتے ہوئے کہا کہ امدادی سامان عید الاضحی کے موقع پر فلسطینی عوام کے لیے اپنے شامی بھائیوں کی طرف سے ایک حقیر سا تحفہ ہے – انہوں نے کہاکہ شامی عوام کبھی بھی فلسطینیوں کی امداد میں پیچھے نہیں رہی- وہ ہمیشہ فلسطینی عوام کے ساتھ ہے-
احمد عبدالکریم نے ذکر کیا کہ امدادی قافلہ اردن کے دارالحکومت عمان پہنچے گا جہاں سے امدادی سامان اقوام متحدہ کے پرچم والی اردنی گاڑیوں میں غزہ لے جایا جائے گا-