Connect with us

اسرائیل کی تباہی میں اتنا وقت باقی ہے

  • دن
  • گھنٹے
  • منٹ
  • سیکنڈز

Uncategorized

حماس مفاہمت کے لیے کوششیں جاری رکھے گی

khaled-mishaal4 اسلامی تحریک مزاحمت(حماس) کے سیاسی شعبے کے سربراہ خالد مشعل نے کہا ہے کہ اسرائیلی جارحیت اور اس کی جانب سے فلسطینی عوام کو درپیش چیلنجز کا سامنا کرنے کے لیے فلسطینی جماعتوں میں اتحاد اور مفاہمت ناگزیر ہے، حماس مفاہمت کے لیے تمام تر کوششوں کو بروئے کار لائے گی۔ ان خیالات کا اظہار انہوں نے پیر کے روز اپنے دورہ یمن کے دوران صنعاء میں یمنی خبررساں ایجنسی کو انٹرویو میں کیا۔ انہوں نے کہا کہ اسرائیلی جارحیت کا مقابلہ کرنے کے لیے فلسطینی سیاسی جماعتوں کا اتحاد ناگزیر ہے، ہمیں مل کرانتشار کا خاتمہ اور ایسی سیاسی صف بندی کرنا ہوگی جس سے فلسطینی عوام میں اتحاد و یگانت پیدا کی جا سکے اور اسرائیل کی جانب سے درپیش چیلنجوں کا مقابلہ کیا جا سکے۔ ایک سوال کے جواب میں انہوں نے اپنے دورے کا مقصد بتاتے ہوئے کہا کہ ان کے دورہ یمن حماس اور یمن کے درمیان تعلقات کو مزید مستحکم کرنا ہے۔ خالد مشعل کا کہنا تھا کہ وہ اپنے دورے کے دوران یمنی صدر علی عبداللہ الصالح سمیت دیگر اعلیٰ سطح کے حکام سے ملاقاتیں کریں گے، ان ملاقاتوں میں فلسطین میں مفاہمت کے لیے اب تک ہونے والی کوششوں اور حماس کی جانب سے مفاہمت کے لیے ظاہر کی گئی لچک سے یمنی حکام کو آگاہ کیا جائے گا۔ ایک سوال پر خالد مشعل نے کہا کہ حماس اور فلسطینی عوام یمن کے امن و استحکام کے خواہاں ہیں اور یمن کی موجودہ داخلی صورت حال میں یمنی حکومت اور عوام کے ساتھ ہمدردی کا اظہار کر رہے ہیں۔ ادھر خالد مشعل اور حماس کے وفد کے صنعا پہنچنے پر ان کا سرکاری سطح پر تپاک استقبال کیا گیا۔

Click to comment

Leave a Reply

Your email address will not be published. Required fields are marked *

Copyright © 2018 PLF Pakistan. Designed & Maintained By: Creative Hub Pakistan