امریکا سے واپسی پر نیتن یاھو کا آباد کاری کے مزید منصوبوں کا اعلان

اسرائیلی وزیراعظم کے پرسنل سیکرٹری زیوی ھاروز نے کہا ہے کہ وزیراعظم بنجمن نیتن یاھو اپنے امریکا کے دورے سے واپسی کے ساتھ ہی فلسطین میں یہودی آباد کاری کے مزید منصوبوں کا اعلان کرنے والے ہیں۔

منگل کے روز اسرائیلی ریڈیو سے گفتگو کرتے ہوئے انہوں نے کہا کہ وزیراعظم کے دورہ واشنگٹن سےقبل یہودی آباد کاری کی توسیع کے متعدد منصوبے زیرغور تھے، جن پرعمل درآمد کے لیے وزیراعظم کی واپسی کا انتظار کیا جائے گا۔ ان منصوبوں میں تعمیرات کے مختلف منصوبوں کی فوری تکمیل اور بعض نئے منصوبوں کا آغاز بھی شامل ہے۔ تاہم وہ ان تمام منصوبوں کا اعلان امریکا سے واپسی پر کریں گے۔

صہیونی اہلکار نے کہا کہ فلسطین خصوصاً بیت المقدس اور مغربی کنارے میں یہودی آباد کاری میں توسیع کی حکومتی پالیسی میں کوئی تبدیلی نہیں آئے گی۔

ھاروز کی جانب سے یہ بیان ایک ایسے وقت میں آیا ہے جبکہ اسرائیل نے بیت المقدس میں غیر قانونی یہودی آباد کاری روکنے کا امریکی مطالبہ مسترد کر دیا ہے۔ اسرائیلی وزیراعظم بنجمن نیتن یاھو کا کہنا ہے کہ بیت المقدس ایک یہودی کالونی نہیں بلکہ اسرائیل کا دارالحکومت ہے۔ اسرائیل جس طرح چاہے بیت المقدس میں یہودی آباد کاری کے منصوبہ بندی کرے