وکلاء برادری اور کراچی بار ایسوسی ایشن جنوبی افریقہ کے عالمی عدالت میں مقدمہ کی حمایت کرتی ہے۔

ملاقات کے بعد میڈیا سے بات کرتے ہوئے وکیل رہنماؤں نے مشترکہ طور پر گفتگو کرتے ہوئے کہا کہ فلسطین میں جاری ظلم اور جارحیت پر خاموش نہیں رہ سکتے۔ان کاکہنا تھا کہ عالمی عدالت انصاف نے اسرائیل کی درخواست مسترد کر کے ثابت کر دیا ہے کہ فلسطین میں غاصب صیہونی حکومت اسرائیل ظلم اور جارحیت کا ارتکاب کر رہی ہے۔ ایک سوال کے جواب میں رہنماؤں کاکہنا تھا کہ فلسطین کا زکی حمایت کرنا ہر پاکستانی کے ڈی این اے میں شامل ہے کیونکہ بانیان پاکستان قائد اعظم محمد علی جناح اور علامہ اقبال نے قیام پاکستان سے قبل ہی فلسطین کاز کی غیر مشروط حمایت کر کے واضح کر دیا تھا کہ پاکستان کبھی بھی فلسطینیوں کی حمایت سے پیچھے نہیں ہٹے گا۔ ان کامزید کہنا تھا کہ آج جو کوئی بھی پاکستان میں دو ریاستی حل کی بات کرتا ہے در اصل نظریہ پاکستان او ر قائد اعظم کے نظریات سے رو گردانی کر رہا ہے تاہم قائد اعظم اور علامہ اقبال کا فلسطین موقف ہی پاکستان کا موقف ہے۔وکلاء برادری کاکہنا تھا کہ عالمی عدالت انصاف میں اسرائیل کے خلاف جاری مقدمہ میں جنوبی افریقہ کے ساتھ ساتھ پاکستان کو فریق بننا چاہئیے تھا حکومت کی خاموشی لمحہ فکریہ ہے۔ اگر حکومت پاکستان فریق بنتی ہے تو ملک بھر کے وکلاء اور ماہر قانون حکومت کا ساتھ دیں گے۔ اس موقع پر فلسطین فاؤنڈیشن پاکستان کے وفد نے وکلاء برادری کا شکریہ ادا کیا اور نو منتخب صدر اور کابینہ ک وفلسطینی مفلر کے ساتھ ساتھ مٹھائی اور گلدستہ بھی پیش کیا