اردن کی سرکاری خبر رساں ایجنسی ’بترا‘ کے مطابق اردن کی کابینہ نےکل منگل کو منعقدہ اپنے اجلاس میں بیت المقدس کے محکمہ اوقاف میں 100 ملازمین کی تقرری کے طریقہ کار کی منظوری دینے کا فیصلہ کیا ہے۔
حکومت نے محکمہ اوقاف یروشلم میں ملازمین کو متوجہ کرنے، منتخب کرنے اور ان کی تقرری کی ہدایات کو خارج کر دیا اور اس کے ساتھ ہی نئی تخلیق شدہ ملازمتوں پر تقرری کی منظوری دی گئی ہے۔
یہ فیصلہ القدس کے محکمہ اوقاف کے لیے شاہ عبداللہ دوم کی قیادت میں اردن کی مسلسل حمایت اور مسجد اقصیٰ اور بیت المقدس میں اسلامی اور عیسائی مقدسات کی دیکھ بھال کے لیے کی جانے والی کوششوں کے فریم ورک کا حصہ ہے۔
قابل ذکر ہے کہ “القدس میں اسلامی اوقاف کا محکمہ” اردن کی وزارت اوقاف سے منسلک ہے اور یہ مسجد الاقصیٰ کے امور کے انتظام کی ذمہ دار ہے۔
اردن کی وزارت خارجہ نے منگل کی صبح اسرائیلی وزیر برائے قومی سلامتی ایتمار بن گویر کی جانب سے مسجد اقصیٰ پر دھاوا بولنے کی سخت ترین الفاظ میں مذمت کی ہے۔
وزارت کے سرکاری ترجمان سنان المجالی نے بن گویر کی جانب سے الاقصیٰ پر دھاوے کو اشتعال انگیز اقدام قرار دیتے ہوئے اس کی مذمت کی۔
انہوں نے نشاندہی کی کہ یہ اقدام بین الاقوامی قانون اور القدس اور اس کے مقدسات میں تاریخی اور قانونی حیثیت کی صریح اور ناقابل قبول خلاف ورزی کی نشاندہی کرتا ہے۔
