بینیٹ حکومت کی سرکاری ویب سائٹس کو مفلوج کر دیا گزشتہ پیر کو “ایک طاقتور ملک نے کیا۔ یہ کارروائی کسی ایک ہیکر نے نہیں اور نہ ہی یہ انفرادی کارروائی ہوسکتی ہے۔
بدھ کو اسرائیلی اخبار’ہیوم‘ نے اسرائیلی حکام کے حوالے سے کہا کہ “سائبر حملہ ایک ایسے ملک نے کیا جس کے پاس جدید ترین ٹیکنالوجی کا نظام ہے، اور یہ ایران ہو سکتا ہے۔”
ایک اسرائیلی سرکاری ذریعے نے بتایا کہ حملے نے بڑی تعداد میں سرکاری ویب سائٹس کو نشانہ بنایا لیکن یہ شدید نہیں تھا۔ اس سے روزمرہ کی کارکردگی کو کوئی خاص نقصان نہیں پہنچا۔
اخبار نے لکھا کہ تحقیقات کے ابتدائی نتائج سے پتہ چلتا ہے کہ حکومت کو خدمات فراہم کرنے والے دو انٹرنیٹ سروس فراہم کرنے والوں میں سیکیورٹی کی خلاف ورزی ہوئی ہے۔
“اسرائیل نیشنل اتھارٹی برائے سائبر سیکیورٹی” نے پیر کو اعلان کیا کہ تھا کہ ریاست کی سرکاوی ویب سائٹس پر وسیع پیمانے پر سائبر حملے کیے گئے اور ان ویب سائٹس کو گھںٹوں تک معطل کیا گیا۔
اسرائیلی براڈکاسٹنگ کارپوریشن نے کہا کہ اسرائیلی حکومت نے وزارتی دفاتر کو مطلع کیا ہے کہ ان کی ویب سائٹس ایک غیر معمولی سائبر حملے کا شکار ہیں۔ براڈکاسٹنگ نے دعویٰ کیا کہ یہ سائبر حملہ “ایرانی ہیکرز” نے کیا ہے۔
