فلسطین کے مقبوضہ مغربی کنارے میں گذشتہ 48 گھنٹوں کے دوران مزاحمتی کارروائیوں کا سلسلہ جاری رہا اور 70 کارروائیاں ریکارڈ کی گئیں، جس کے نتیجے میں 4 صیہونی آباد کار ہلاک اور 12 زخمی ہوئے۔
فلسطین انفارمیشن سینٹر’معطی‘کی رپورٹ کے مطابق گذشتہ چوبیس گھنٹوں کے دوران فلسطینی شہریوں کی طرف سے مزاحمتی کارروائیوں میں فائرنگ کے 14 واقعات رونما ہوئے، 8 دھماکہ خیز آلات کے دھماکے اور 7 گاڑیوں کو نقصان پہنچانے کے واقعات شامل ہیں۔
گذشتہ روز فلسطینی مزاحمت کاروں نے اسرائیلی طیاروں پر بھی فائرنگ کی، قابض فوج پر مولوٹوف کاک ٹیل پھینکنے، آباد کاروں کے ساتھ 6 مقامات پر تصادم ہوا، ان کی 6 گاڑیوں کو تباہ کیا گیا اور 27 مقامات پر یہودی آباد کاروں اور فلسطینیوں کےدرمیان جھڑپیں ہوئیں۔
مقبوضہ بیت المقدس ، رام اللہ، طوباس، طولکرم، قلقیلیہ، جنین، بیت لحم، نابلس اورالخلیل میں قابض فوج کے ساتھ جھڑپیں ہوئیں۔
نابلس- رام اللہ کو ملانے والی شاہراہ پر ایلی بستی کے قریب مزاحمت کاروں نے نے آباد کاروں پر فائرنگ کی جس سے 4 آباد کار ہلاک اور 4 زخمی ہوئے۔
مزاحمت کاروں نے طوبس کے الفارع کیمپ میں بھی قبضے پر فائرنگ کی اور عزون میں نوجوانوں کی طرف سے پتھراؤ اور ان کی گاڑیوں کو تباہ کرنے کے بعد دو آباد کار زخمی ہوگئے۔
مرج بن عامر میدان، جنین کیمپ، حاجیی الجلامہ اور دوتان کے علاقوں میں قابض فوج کی طرف فائرنگ کی گئی۔ 7 مقامات پر بارود سے گاڑیوں کونشانہ بانیا گیا۔
