لبنان (مرکزاطلاعات فلسطین فاوؑنڈیشن) لبنان میں اسلامی مزاحمتی تنظیم حزب اللہ نے جنوبی لبنان میں اسرائیلی فوج کے ساتھ سرحدی تصادم میں اپنے ایک جنگجو کی شہادت کا اعلان کیا، جس سے 8 اکتوبر2023 سے اب تک 176 افراد کی شہادت ہوئی ہے۔
دو الگ الگ بیانات میں حزب اللہ نے “جنوبی لبنان کے شہر ایتارون کے حسین فاضل عودہ اور جنوبی لبنان کے شہر شعبا کے حسین خلیل ہاشم کی شہادت کی تصدیق کی ہے۔
اس طرح لبنان کی جنوبی سرحدوں پر اسرائیلی فوج کے ساتھ روزانہ بمباری کے تبادلے کے نتیجے میں حزب اللہ کی ہلاکتوں کی تعداد 176 ہو گئی۔
لبنان میں اسلامی مزاحمت حزب اللہ نے اعلان کیا کہ اس نے دوسری بار اسرائیلی “برانیت” بیرکوں کو دو “فلق” میزائلوں سے نشانہ بنایا، جس سےانہیں براہ راست نقصان پہنچا۔
اس کے مجاہدین نے “طیحات ہل” اور “الصمقا” کے مقام پر قابض فوجیوں کے دو اجتماعات کو بھی میزائل ہتھیاروں سے نشانہ بنایا۔
اس کے علاوہ، حزب اللہ نے “الجردہ” پوائنٹ کے آس پاس اسرائیلی فوجیوں کو “برقان” میزائلوں سے نشانہ بنایا اور انہیں براہ راست نقصان سے دوچار کیا۔
حزب اللہ نے تصدیق کی کہ یہ کارروائیاں غزہ کی پٹی میں ثابت قدم فلسطینی عوام کی حمایت اور ان کی مزاحمت کی حمایت میں کی گئیں۔
