نابلس (مرکزاطلاعات فلسطین فاوؑنڈیشن)کل منگل کے روز اسرائیلی فوج نےغرب اردن کے شمالی شہر نابلس میں ایک بزدلانہ حملے میں اسلامی تحریک مزاحمت [حماس] کے عسکری ونگ عزالدین القسام شہید بریگیڈ کے تین مجاھدین کو شہید کردیا۔
دوسری طرف القسام بریگیڈ نے کہا ہے کہ دشمن کی طرف سے جارحیت اور مجاھدین کی شہادتوں سے فلسطینی قوم کی آزادی کی تحریک نہیں رکے گی بلکہ یہ مزید تقویت پکڑے گی۔ القسام بریگیڈ نےایک بیان میں شہداء نابلس کی قربانی کو خراج تحسین پیش کیا اور کہا کہ شہداء کا خون جلد رنگ لائے گا۔ ہماری جدو جہد مسجد اقصیٰ کی مکمل آزادی تک جاری رہے گی۔
بیان میں کہا گیا ہے کہ کل منگل کی صبح اسرائیلی فوج نے مجاھدین کو گھیرے میں لے کران پر فائرنگ کی۔ قابض فوج نے انہیں گرفتار کرنے کی کوشش کی مگر مجاھدین نےدشمن کے ساتھ لڑتے ہوئے جام شہادت نوش کرنے کو ترجیح دی۔
قابض فوج کی اس بزدلانہ کارراوئی میں شہید ہونےوالے کمانڈروں میں فیلڈ کمانڈر سعد ماهر الخراز، المجاهد منتصر بهجت سلامہ اور کمانڈرنور الدين تيسير العارضہ شامل ہیں۔
