غزہ (مرکزاطلاعات فلسطین فاوؑنڈیشن) اسرائیلی قابض فوج نے آج منگل کی صبح اعلان کیا کہ جنوبی غزہ کی پٹی میں مزاحمت کاروں کے ساتھ جاری لڑائی میں کل رات 4 افسران اور فوجی مارے گئے۔
یہ اعلان اسرائیلی ذرائع کی جانب سے گذشتہ رات اس بات کی تصدیق کے چند گھنٹے بعد سامنے آیا ہے کہ گذشتہ 24 گھنٹوں کے دوران فلسطینی مزاحمتی کارروائیوں میں 9 اہلکار اور فوجی ہلاک اور دیگر زخمی ہوئے۔
ذرائع نے بتایا کہ دو حملوں میں سے ایک فوجی ٹرک میں گولہ بارود کے پھٹنے کا باعث بنا، جس میں فوجی ہلاک اور زخمی ہوئے، یاد رہے کہ دوسرا حملہ غزہ کی پٹی کے جنوب میں ایک عمارت پر کیا گیا جس میں چھپے ہوئے متعدد فوجی ہلاک ہوگئے۔
اسرائیلی ذرائع نے مزید کہا کہ ہلاکتوں کا اعلان جنگ کے آغاز کے بعد سے اسرائیلی فوج پر سب سے سخت حملہ ہے۔
اسرائیل کے ان نقصانات کے انکشاف سے قبل القسام بریگیڈز نے اعلان کیا کہ وہ خان یونس شہر کے اسٹیشن ایریا کے قریب ایک گھر کے اندر موجود خصوصی صہیونی فورس کو اینٹی پرسنل میزائل سے نشانہ بنانے میں کامیاب ہو گئے ہیں جس سے فوج کے متعدد اہلکار ہلاک اور زخمی ہوئے۔
القسام نے صہیونی فوج پر ایک اینٹی پرسنل ڈیوائس “رادیہ” کے دھماکے اور خان یونس شہر میں اسٹیشن ایریا کے قریب ایک اسکول کے اندر مشین گنوں کے ساتھ اس کے باقی ارکان کے ساتھ جھڑپ کارروائی کی۔
