تہران (مرکزاطلاعات فلسطین فاوؑنڈیشن) اسلامی تحریک مزاحمت [حماس ] کے سیاسی بیورو کے سربراہ اسماعیل ھنیہ اور تحریک کے قیادت کے وفد نے جمعرات کو ایرانی پارلیمنٹ کے اسپیکر سے ایرانی دارالحکومت تہران میں ملاقات کی، جہاں انہوں نے طوفان الاقصیٰ سے متعلق سیاسی اور میدانی پیش رفت پر تبادلہ خیال کیا۔ اور غزہ کی پٹی پر صیہونی ریاست کی طرف سے مسلط کی گئی جنگ پربریفنگ دی۔
ایرانی پارلیمنٹ کے اسپیکر نے کہا کہ “غزہ اسلامی قوم اور دنیا کے آزاد لوگوں کے لیے ایک امید بن گیا ہے۔ انہوں نے کہا غزہ کے عوام کی قربانیاں قابل ستائش ہیں جو تمام تصورات سے بالاتر ہیں”۔
انہوں نے کہا کہ طوفان اقصیٰ کی جنگ فلسطینی عوام اور خطے کی سیاسی اور جدوجہد کی تاریخ میں ایک اہم موڑ ہے اور یہاں تک کہ دنیا کے آزاد لوگوں کے لیے جو کچھ ہو رہا ہے اسے فخر اور دلچسپی سے دیکھتے ہیں۔
انہوں نے فلسطینی عوام کے شانہ بشانہ کھڑے ہونے اور ان کی مزاحمت اور حقوق کی حمایت میں اسلامی جمہوریہ کے مضبوط موقف کی تصدیق کی۔
اس موقعے پر اسماعیل ھنیہ نے اپنی طرف سے صیہونی دشمن کی جارحانہ جنگ سے متعلق مجموعی سیاسی اور میدانی پیش رفت کا جائزہ لیا اور ہمارے عوام کی استقامت کی تعریف کی۔
انہوں نے جنوبی لبنان، یمن اور عراق سے مزاحمت کو دی جانے والی حمایت کی تعریف کی جس نے جاری لڑائی کی نوعیت میں ایک اہم تبدیلی کی ہے۔
انہوں نے مذاکرات کے پے در پے دوروں پر بھی بات کی اور زور دیا کہ قابض دشمن مذاکرات کی آڑ میں جنگ کو بڑھاوا دینے کی کوشش کررہا ہے۔
