Connect with us

اسرائیل کی تباہی میں اتنا وقت باقی ہے

  • دن
  • گھنٹے
  • منٹ
  • سیکنڈز

صیہونیزم

دو دہائیوں سے زائد عرصے بعد حسن ابو کاملہ کی اسرائیلی جیل سے رہائی

نابلس – (مرکزاطلاعات فلسطین فاؤنڈیشن) قابض اسرائیلی حکام نے اتوار کے روز نابلس شہر کے مشرق میں واقع عسکر کیمپ سے تعلق رکھنے والے فلسطینی اسیر حسن محمد حسن علی احمد المعروف ابو کاملہ کو قابض اسرائیل کی جیلوں میں 22 سال قید کاٹنے کے بعد رہا کر دیا ہے۔

واضح رہے کہ ابو کاملہ کو 16 نومبر سنہ 2004ء کو اس وقت گرفتار کیا گیا تھا جب ان کی عمر 17 برس تھی اور وہ ہائی اسکول کے طالب علم تھے جس کے بعد قابض حکام نے انہیں 22 سال قید کی سزا سنائی تھی جو انہوں نے مکمل طور پر سلاخوں کے پیچھے گزاری۔

اسی تناظر میں فلسطینی اسیران کے اداروں کے اعداد و شمار سے پتہ چلتا ہے کہ 23 سے زائد جیلوں اور حراستی و تفتیشی مراکز میں تقریباً 9400 فلسطینی اسیران قید ہیں جن میں 87 خواتین اسیران اور تقریباً 380 بچے شامل ہیں جبکہ اس کے علاوہ ہزاروں افراد انتظامی حراست کے تحت قید ہیں۔

معتقلین کی اس فہرست میں غزہ کی پٹی سے تعلق رکھنے والے 1320 اسیران بھی شامل ہیں جنہیں قابض حکام غیر قانونی جنگجو کے زمرے میں رکھتے ہیں تاہم ان اعداد و شمار میں وہ ہزاروں معتقلین شامل نہیں ہیں جنہیں قابض اسرائیلی فوج کے زیر انتظام فوجی کیمپوں اور خفیہ حراستی مراکز میں رکھا گیا ہے۔

ان مراکز میں سب سے نمایاں سدیہ تیمان کیمپ اور دیگر حراستی مراکز ہیں جن میں قید افراد کی تعداد، ان کے حالات اور حراست کے مقامات کے بارے میں کافی سرکاری معلومات دستیاب نہیں ہیں۔

Click to comment

Leave a Reply

Your email address will not be published. Required fields are marked *

Copyright © 2018 PLF Pakistan. Designed & Maintained By: Creative Hub Pakistan