غزہ (مرکزاطلاعات فلسطین فاوؑنڈیشن) منگل کو نسل کشی کی جنگ کے 116 ویں دن سرکاری محکمہ اطلاعات و نشریات نے غزہ کی پٹی کے خلاف اسرائیلی جارحیت کے اہم ترین اعدادوشمار شائع کیے۔
میڈیا آفس نے کہا کہ قابض فوج نے 2269 قتل عام کیے جن میں 33751 شہید اور لاپتہ افراد کی جانیں لی، جن میں 26751 شہداء جو ہسپتالوں میں پہنچے، جن میں 11500 شہداء بچے، 8000 شہداء خواتین، 339 شہداء سول ہسپتال، 339 شہداء طبی عملے ہیں۔ شہری دفاع کے 122 شہری کارکن اور ایک سو سے زاید صحافی شامل ہیں۔
میڈیا آفس نے بتایا کہ 7,000 لاپتہ افراد یا تو ملبے کے نیچے ہیں یا ان کا کوئی پتا نہیں چل سکا ہے۔ جب کہ 65,636 دیگر زخمی ہوئے شہید اور زخمی ہونے والوں میں 70 فیصد خواتین اور بچے ہیں۔
میڈیا آفس نے اس بات پر زور دیا کہ 11,000 ایسے کیسز ہیں جن کی فوری اور اشد ضرورت ہے تاکہ ایک جان بچانے کے لیے بیرون ملک سفر اور علاج کی ضرورت پوری کی جا سکے۔
غزہ کے واحد فرینڈشپ ہسپتال کو قابض فوج کی طرف سے نشانہ بنانے کے نتیجے میں کینسر کے 10,000 مریضوں کو موت کے خطرے کا سامنا ہے۔ کینسر کے مریضوں کے علاج کے لیے پٹی اور ان کے ہسپتالوں سے ادویات اور علاج ختم ہو چکی ہیں۔
سرکاری میڈیا آفس نے خبردار کیا کہ ادویات کی کمی کے باعث 350,000 دائمی مریضوں کی زندگیوں کو خطرات لاحق ہیں، اس کے علاوہ 60,000 حاملہ خواتین صحت کی دیکھ بھال کی کمی کی وجہ سے متاثر ہوئی ہیں۔
میڈیا آفس نے بتایا کہ قبضے نے 99 طبی عملے اور 10 صحافیوں کو گرفتار کرنے کا سلسلہ جاری رکھا ہوا ہے۔
انہوں نے نشاندہی کی کہ غزہ کی پٹی میں 2 ملین بے گھر افراد پناہ گاہوں اور اسکولوں میں انتہائی مشکل انسانی اور صحت کی ابتر صورتحال میں رہنے پرمجبور ہیں۔ ان میں سے سات لاکھ نقل مکانی کی وجہ سے متعدی بیماریوں میں مبتلا ہیں، جن میں 8000 ہیپاٹائٹس کے کیسز بھی شامل ہیں۔
مادی نقصان کے حوالے سے سرکاری میڈیا آفس کا کہنا تھا کہ قابض فوج نے 140 سرکاری ہیڈکوارٹرز اور 99 اسکولوں اور یونیورسٹیوں کو مکمل طور پر تباہ کردیا اور انہیں سروس سے باہر کردیا، اس کے علاوہ 295 اسکولوں اور یونیورسٹیوں کو جزوی طور پر تباہ کردیا۔
قابض افواج نے 70,000 ہاؤسنگ یونٹس کو مکمل طور پر اور 290,000 ہاؤسنگ یونٹس کو جزوی طور پر تباہ کیا۔
اس کے علاوہ، قابض فوج نے تین گرجا گھروں کو تباہ کرنے کے علاوہ 161 مساجد کو مکمل طور پر اور 295 مساجد کو جزوی طور پر تباہ کر دیا۔
اسرائیلی قابض فوج نے صحت کے شعبے کے خلاف مجرمانہ جنگ کا آغاز کیا، 30 ہسپتالوں اور 53 مراکز صحت کو نشانہ بنایا، ان کے علاوہ 150 صحت کے اداروں کو جزوی طور پر نشانہ بنایا، جب کہ 122 ایمبولینسوں کو تباہ کر کے انہیں سروس سے باہر کر دیا۔
