غزہ (مرکزاطلاعات فلسطین فاوؑنڈیشن) پیر کو عبرانی میڈیا نے تصدیق کی کہ غزہ کی پٹی میں گذشتہ 24 گھنٹوں کے دوران دو الگ الگ حملوں میں قابض فوج کے 9 اہلکار اور فوجی ہلاک اور متعد دیگر زخمی ہوئے۔
میڈیا نے اس دن کو غزہ کی پٹی پر جارحیت کے آغاز کے بعد سے اسرائیلی قابض فوج کے لیے “سب سے سخت دن” قرار دیا۔
اسی ذرائع نے وضاحت کی کہ “دو حملوں میں سے ایک ٹرک میں گولہ بارود کے پھٹنے کا باعث بنا، جس میں فوجی ہلاک اور زخمی ہوئے، جب کہ دوسرا حملہ غزہ کی پٹی کے جنوب میں فوجیوں پر مشتمل عمارت پر بمباری کا تھا۔”
گیواتی کے ایک سارجنٹ کی دل کا دورہ پڑنے سے موت ہو گئی۔
اس تناظر میں عبرانی چینل 12 نے کہا کہ “اسرائیلی فوج میں گیواتی بریگیڈ کا ایک سارجنٹ غزہ کی پٹی میں اس کے زیر کمان فوجیوں کی ہلاکت کے بعد دل کا دورہ پڑنے سےہلاک ہو گیا تھا۔”
چینل نے مزید کہا کہ “فوج نے سارجنٹ کی موت کو تسلیم نہیں کیا جسے آرمی ریزرو سروس سے فارغ کیا گیا تھا۔”
