غزہ (مرکزاطلاعات فلسطین فاوؑنڈیشن)غزہ میں وزارت صحت نے اعلان کیا کہ 111 شہداء کے جسد خاکی جو غزہ اور شمال کے رہائشی ہیں کو خان یونس کے مغرب میں ایک اجتماعی قبر میں دفن کیا گیا ہے۔
وزارت صحت نے کہا کہ قابض فوج نے اس سے قبل الشفاء میڈیکل کمپلیکس سے ان شہداء کی لاشیں قبضے میں لے لی تھیں اور ان میں شہیدوں کی تعداد 83 تھی۔ اس کے علاوہ بیت حانون ہسپتال سے لائے گئے شہداء کے ایک گروپ کو بھی شامل کیا گیا تھا۔
میڈیا ذرائع نے بتایا کہ انٹرنیشنل کمیٹی آف ریڈ کراس شہداء کی میتیں لے کر آئی اور انہیں خان یونس کے مغرب میں ایک اجتماعی قبر میں وزارت اوقاف کی نگرانی میں سپرد خاک کیا گیا۔
وزارت صحت نے متعدد بار شہداء کی لاشوں کو اجتماعی قبروں میں دفن کیا کیونکہ انہیں ان کے اہل خانہ سے وصول نہیں کیا جا سکا۔
اسرائیلی قابض فوج نے مسلسل 47ویں روز بھی غزہ کی پٹی پر خونریز جارحیت کا سلسلہ جاری رکھا جس کے نتیجے میں 5 ہزار 840 بچوں، 3 ہزار 920 خواتین سمیت 14 ہزار 128 فلسطینی شہید اور 33 ہزار زخمی ہوئے جب کہ لاپتہ افراد کی تعداد 0 ہزار 86 ہوگئی۔
