جمعرات کی سہ پہر غزہ کی پٹی میں قابض فوج کی طرف سے فلسطینی پرچم بردار جلوس پرحملہ کرکے متعدد مظاہرین کو زخمی کردیا۔ یہ پرچم بردار جلوس مقبوضہ بیت المقدس میں کل جمعرات کو یہودی آباد کاروں کے فلیگ مارچ کے خلاف نکالا گیا تھا۔
مقامی ذرائع نے بتایا کہ سیکڑوں شہریوں نے غزہ کے مشرق میں واقع ملاکا کیمپ میں جا کر فلسطینی پرچم اٹھائے اور جلوس نکالا۔ اس موقعے پرمظاہرین نے ربڑ کے ٹائر جلا کر یروشلم شہر کے خلاف اسرائیلی جارحیت کی مذمت کی اور نام نہاد یہودی فلیگ مارچ کو مسترد کردیا۔
قابض فوج نے غزہ شہر کے مشرق میں واقع ملاکا کیمپ کے مشرق میں مزاحمتی آبزرویٹری پر گیس بم برسائے۔
ایک دوسرے سیاق و سباق میں “فلیگ مارچ” کا آغاز جمعرات کی سہ پہر بیت المقدس شہر میں ہوا، جس میں اسرائیلی قابض پولیس اور سرحدی محافظوں کی بڑی تعداد کی طرف سے انتہا پسند یہودی گروپوں کو فول پروف سکیورٹی فراہم کی گئی۔
مارچ سے قبل 1,262 آباد کاروں نے مسجد اقصیٰ کے صحنوں پر دھاوا بول دیا، اسرائیلی فوج اور پولیس نے انہیں فول پروف سکیورٹی فراہم کی۔
