مقبوضہ بیت المقدس – (مرکزاطلاعات فلسطین فاوؑنڈیشن)اسرائیل کےایک کثیر الاشاعت عبرانی اخبار’یدیعوت احرونوت‘ نے ایک تازہ رپورٹ میں انکشاف کیا ہے کہ آبادکاری کے فارم جو کہ مغربی کنارے کی بڑی چراگاہوں پر پھیلے ہوئے ہیں آباد کاروں کی طرف سے سیکٹر”C” کے زمرے میں آنے والے علاقوں پر قبضہ کرنے کا ایک ذریعہ ہیں۔ خیال رہے کہ اوسلو معاہدے کی تقسیم کے تحت سیکٹر ’سی‘ غرب اردن کے کل رقبے کا 61 فیصد ہے۔
“یدیعوت” نے انکشاف کیا کہ قابض اسرائیلی وزارت دفاع نے ایسا طریقہ کار تیار کیا ہے جس کا مقصد آباد کاروں کوقیمتی زمینیں دینا اور ان پر فلسطینی دیہات سے دور ان پر فارم قائم کرنا ہے۔اس سے تصویر مزید پیچیدہ ہوتی جا رہی ہے۔ اس کی تصدیق فوج کے ایک اعلیٰ افسر نے بھی اخبار کو کی، جس نے کہا، ’’بستیوں کی چراگاہوں کی کہانی پیچیدہ ہے۔‘‘
انہوں نے وضاحت کی کہ اس سال وادی اردن، الخلیل اور مغربی کنارے میں تقریباً ہر جگہ چراگاہوں پر آباد کاروں اور فلسطینیوں کے درمیان درجنوں جسمانی تصادم ہوئے۔ انہوں نے مزید کہا کہ جمعہ کے روز برقہ گاؤں پر آباد کاروں کی طرف سے کیا گیا دہشت گردانہ حملہ گاؤں والوں اور آباد کاروں کے درمیان چراگاہوں کے تنازعات کا حصہ ہے۔
اس نے کہا کہ یہودی ربیوں کی آبادکاری کے فارم “مغربی کنارے کی بستی کی پہاڑیوں میں آج ہونے والی آبادکاری کی سرگرمیوں کا سب سے بڑا مظہر ہیں۔ یہ آبادکاری فارمز کا طریقہ جنہیں آباد کاروں نے ایریا C پر قبضہ کرنے کے لیے ایجاد کیا تھا، ان کے پیچھے ایک سادہ اصول ہے: چند آباد کار بہت ساری زمینوں پر قبضہ کر سکتے ہیں اور اس کا مقصد ایک خاندان یا نوجوانوں کے ایک گروپ کو کسی اسٹریٹجک جگہ پر رہائش، بھیڑ بکریاں چرانا اور ان زمینوں کی حدود کا تعین کرنا ہے۔
اخباری رپورٹ کے مطابق آبادکاری کے فارموں کی کوئی صحیح تعداد نہیں ہے، لیکن اندازوں سے پتہ چلتا ہے کہ ان میں درجنوں فارم ہیں، اور ان کی وجہ سے، آباد کاروں اور فلسطینیوں کے درمیان محاذ آرائی بڑھ گئی ہے۔ قابض فوج کے ایک سینئر افسر نے اخبار کو بتایا کہ یہ تصادم قابو سے باہر ہوتے جا رہے ہیں اور مغربی کنارے کو کشیدگی کی نئی سطح پر دھکیل رہے ہیں۔
اس کیس سے واقف ایک اور افسر نےکہا کہ یہودی بستی کی چراگاہیں اور اس کے نتیجے میں ہونے والی تصادم اس کی تفصیل کے مطابق “موجودہ دہشت گردی” کے دائرے کو بڑھاتے ہیں۔ لوگ اپنی مرضی کے خلاف اس میں داخل ہوتے ہیں۔ جب وہ آباد کاروں کو ان کی زمینیں لیتے ہوئے دیکھتے ہیں تو “وہ خود کش حملے کرتے ہیں۔
