بیروت – (مرکزاطلاعات فلسطین فاوؑنڈیشن)کل جمعہ کی شام لبنانی سکیورٹی سروسز نے بیروت کے بین الاقوامی ہوائی اڈے پر اسرائیلی قابض فوج سے وابستہ ایک جاسوسی نیٹ ورک کا انکشاف کیا اور اس کے کچھ ارکان کو گرفتار کرلیا۔
لبنانی میڈیا کے مطابق سکیورٹی سروسز نے بیروت انٹرنیشنل ایئرپورٹ پر ایک اسرائیلی جاسوس نیٹ ورک کو گرفتار کرلیا۔
میڈیا نے لبنان میں جنرل سکیورٹی کے ڈائریکٹر جنرل الیاس البیسری کے حوالے سے کہا کہ دو افراد نے ملک چھوڑنے کی کوشش کی اور ان سے پوچھ گچھ کے بعد یہ بات واضح ہو گئی کہ وہ ایک ایسے سیل کا حصہ ہیں جو لبنان کی سلامتی کے لیے خطرہ ہے۔
البیسری نے وضاحت کی کہ اسرائیلی قابض جاسوسی نیٹ ورکس کا مقابلہ کرنا لبنان میں سکیورٹی سروسز کی اولین ترجیح ہے۔
انہوں نے نشاندہی کی کہ جاسوس سیل کو گرفتار کیا گیا اور سکیورٹی پروٹوکول کے مطابق سلوک کیا جائےگا۔
