غزہ (مرکزاطلاعات فلسطین فاوؑنڈیشن) اسلامی تحریک مزاحمت [حماس] نے غزہ کی پٹی میں بچوں اور شہریوں کے خلاف اس کے ہولناک جرائم کے لیے اسرائیلی قابض دشمن کے خلاف مقدمہ چلانے کا مطالبہ کیا ہے۔
ایک بیان میں، حماس نے دنیا بھر کے انسانی حقوق کے اداروں پر زور دیا کہ وہ مجرم قابض فوج کے دن رات کیے گئے جرائم کی دستاویز کریں اس اور اس کے نازی لیڈروں کے خلاف بچوں اور معصوم شہریوں کے ہولناک قتل عام کے لیے قانونی چارہ جوئی کریں۔
حماس نے امریکہ کی طرف سے نہتے فلسسطینیوں کے قتل عام کے لیے اسرائیلی فوج کی مدد کرنے پر امریکی صدر جوبائیڈن اور ان کی حکومت کو شدید تنقید کا نشانہ بنایا۔ حماس نے کہا کہ اسرائیلی فوج امریکی صدر کی حمایت میں غزہ میں انسانیت کے خلافف جرائم اور نسل کشی کے سنگین جرائم میں ملوث رہے ہیں۔
حماس نے زور دیا کہ غزہ کی پٹی میں شہریوں کے گھروں پر نازی صہیونی دشمن کی مجرمانہ بمباری کا تسلسل نسل کشی اور نسلی تطہیر کی جنگ کی توسیع ہے۔
بیان میں اس وحشیانہ بمباری کا حوالہ دیا جس میں کل جمعرات کی شام دیر البلح شہر کے ایک رہائشی چوک کو نشانہ بنایا، جس کے نتیجے میں تقریباً چالیس فلسطینی شہید ہوئے۔ شہید ہونے والوں میں خواتین اور بچے شامل ہیں۔
انہوں نے زور دے کرکہا کہ عالمی عدالت انصاف میں قابض ریاست کے خلاف دائر درخواستوں پر عملی ردعمل کی نمائندگی کرتا ہے، تاکہ بین الاقوامی برادری کو اس بات کی تصدیق کی جا سکے کہ یہ ایک بدمعاش ریاست ہے جو انسانی قوانین اور اقدار کی پرواہ نہیں کرتی۔
جمعرات کی شام وسطی گورنری میں ایک ہولناک قتل عام کا ارتکاب کیا جہاں جنگی طیاروں نے نہتے شہریوں کے گھروں پر بمباری کی، جس سے اب تک 40 شہید اور 100 سے زائد زخمی ہوئے شہداء اور زخمیوں میں 90 فیصد سے زیادہ بچے اور خواتین ہیں۔
