اتوار کو قابض اسرائیلی فوج نے بیت المقدس میں العیساویہ قصبے سے چار بچوں کو حراست میں لے لیا جب کہ القدس میں ابو دیس کے مقام سے ایک فلسطینی کی گرفتاری عمل میں لائی گئی۔
سماجی رابطوں کی ویب سائٹس پر پوسٹ کردہ ایک ویڈیو کلب میں قابض فوج کے ہاتھوں العیساویہ سے جن میں وہ لمحہ دکھایا گیا تھا جب قابض فوجیوں نے العساویہ قصبے کے داخلی دروازے پر دو بچوں کو گرفتار کیا تھا۔ بچے رو رہے تھے اور سخت خوف کا شکار تھے۔
القدس کے ذرائع نے اطلاع دی ہے کہ قابض کی انٹیلی جنس نے اسی علاقے میں دو دیگر بچوں کو گرفتار کیا اور انہیں القدس میں قابض فوج کے تفتیشی مراکز میں منتقل کر دیا گیا۔
اس کے علاوہ اسرائیلی قابض فوج نے اتوار کی شام مقبوضہ بیت المقدس کے جنوب مشرق میں ابو دیس قصبے سے ایک نوجوان کو گرفتار کر لیا۔
مقامی ذرائع کے مطابق قابض فورسز نے نوجوان ماجد ورنی کو اس کے گھر پر چھاپہ مارنے اور گھر میں توڑپھوڑ اور لوٹ مار کے بعد گرفتار کر لیا۔
قابل ذکر ہے کہ قابض فوج نے گذشتہ فروری میں مقبوضہ بیت المقدس شہر اور اس کے نواحی علاقوں سے تقریباً 191 فلسطینیوں کو گرفتار کیا تھا جن میں بچے، خواتین اور بچیاں شامل تھیں۔
