عراق کے نئے صدر کو حماس کی مبارکباد، نیک تمناؤں کا اظہار

دوحہ – (مرکزاطلاعات فلسطین فاؤنڈیشن) اسلامی تحریک مزاحمت ’حماس‘ کے قیادت کونسل کے سربراہ محمد درویش نے جمہوریہ عراق کے نو منتخب صدر نزار محمد سعید ئامیدی کو ان کے منصب پر فائز ہونے پر دلی مبارکباد پیش کی ہے اور ان کے لیے نیک خواہشات کا اظہار کیا ہے۔

محمد درویش نے پریس کو جاری ہونے والے ایک بیان میں کہا کہ نزار محمد سعید ئامیدی کا انتخاب عراق میں استحکام اور قومی وحدت کو مضبوط بنانے کی سمت میں ایک اہم قدم ہے جو ان کے سیاسی تجربے اور عراقی عوام کے نمائندوں کے ان پر بھرپور اعتماد کی عکاسی کرتا ہے۔

بیان میں حماس کے رہنما نے فلسطینی اور عراقی عوام کے درمیان قائم گہرے برادرانہ اور تاریخی تعلقات پر فخر کا اظہار کیا اور اس بات پر زور دیا کہ مسئلہ فلسطین کے لیے عراق کی مسلسل حمایت کی اہمیت ناگزیر ہے۔

انہوں نے عراق سے مطالبہ کیا کہ وہ فلسطینی کاز کی حمایت کے اس سلسلے کو مزید تقویت دے تاکہ فلسطینی عوام کی آزادی، استقلال اور حق واپسی کی امنگوں کی تکمیل ممکن ہو سکے۔ انہوں نے اپنے بیان کے اختتام پر عراق کی مزید ترقی اور خوشحالی کے لیے دعا بھی کی۔