شام اور عراق میں حملے امریکا کی ننگی جارحیت ہے:حماس

غزہ (مرکزاطلاعات فلسطین فاوؑنڈیشن) اسلامی تحریک مزاحمت “حماس” نے عراق اور شام کے خلاف امریکی جارحیت کی شدید الفاظ میں مذمت کرتے ہوئے اسے ایک خطرناک پیش رفت قرار دیا۔ حماس نے کہا کہ امریکی حملے دونوں برادر عرب ممالک کی خود مختاری کی خلاف ورزی اور ان کی سلامتی اور خطے کے استحکام کے لیے خطرہ ہیں۔

حماس نے ہفتے کے روز ایک بیان میں مزید کہا کہ دونوں ممالک کے خلاف امریکی جارحیت قابض دشمن کے توسیع پسندانہ ایجنڈے اور غزہ کی پٹی میں ہمارے فلسطینی عوام کے خلاف اپنے ہولناک جرائم پر پردہ ڈالنے کی کوشش ہے۔

حماس نے امریکی صدر بائیڈن کی انتظامیہ کو “عراق اور شام دونوں کے خلاف اس وحشیانہ جارحیت کے نتائج کا ذمہ دارقرار دیا۔

حماس نے کہا کہ امریکی جارحیت سے غزہ میں فلسطینیوں کے خلاف جرائم پر پردہ ڈالنے کی اجازت نہیں دی جائے گی۔

حماس نے کہا کہ “صہیونی جارحیت کے جرائم روکنے تک خطے میں استحکام یا امن نہیں ہو گا۔ غزہ کی پٹی میں نسل کشی اور نسلی تطہیر کے جرائم غزہ اور ہماری مقبوضہ فلسطینی اور عرب سرزمین پر صیہونی نازیوں کے قبضے کو ختم کرنے تک امن قائم نہیں ہوگا۔

بیان میں امریکی انتظامیہ سے مطالبہ کیا کہ وہ اپنی جارحانہ پالیسیوں پر نظرثانی کرے اور ریاستوں کی خودمختاری اور عرب عوام کے مفادات کا احترام کرے۔

کل جمعہ امریکی سینٹرل کمانڈ (Centcom) نے ایرانی پاسداران انقلاب کی قدس فورس کے خلاف عراق اور شام میں جوابی حملے شروع کرنے کا اعلان کیا۔

امریکی بیان میں وضاحت کی گئی کہ “امریکی فوجی دستوں نے امریکہ سے شروع کیے گئے طویل فاصلے تک مار کرنے والے میزائلوں سمیت کئی طیاروں کے تعاون سے 85 سے زیادہ اہداف کو نشانہ بنایا۔”