واشنگٹن (مرکزاطلاعات فلسطین فاوؑنڈیشن)امریکا میں سرگرم سماجی کارکنوں، سول سوسائٹی اور انسانی حقوق کے کارکنوں نے “گوگل” اور “ایمیزون” کمپنیوں میں کام کرنے والے تمام ملازمین سے مطالبہ کیا کہ وہ اپنےان ساتھیوں کے ساتھ شامل ہو جائیں جو ان دونوں اسرائیل کے ساتھ کام کرنے والی کمپنیوں کا بائیکاٹ کررہے ہیں۔
ان کا کہنا ہے کہ اسرائیل فلسطینیوں اور عرب باشندوں کے خلاف نسل پرستی پالیسی پر عمل پیرا ہے۔ اس لیے ہمارامطالبہ ہے کہ ایمیزون اور گوگل سمیت امریکا کی بڑی ٹیکنالوجی کمپنیاں اسرائیل کا بائیکاٹ کریں۔
انسانی حقوق کارکنوں نے ایک بیان میں کہا کہ “اسرائیلی” نسل پرست حکومت سے نمٹنے سے، “گوگل” اور “ایمیزون” کمپنیاں قابض حکومت کے لیے فلسطینیوں کی نگرانی اور انہیں اپنی زمینیں چھوڑنے پر مجبور کرنے میں آسانی پیدا کریں گی۔
کارکنان دونوں کمپنیوں میں کارکنوں کے ایک بڑے ہجوم کو جمع کرنے کی بھی تیاری کر رہے ہیں اور فلسطینیوں کے حقوق کے حامی ہیں جو کل 26 تاریخ کو نیویارک شہر میں سالانہ Amazon Web Services Summit کے سامنے عنوان “#NoTechForApartheid” سے احتجاج کریں گے۔
ایمیزون ویب سروسز اور گوگل کلاؤڈ نے حکومت اور قابض فوج کو کلاؤڈ ٹیکنالوجی فراہم کرنے کے لیے 1.22 بلین ڈالر کے معاہدے پر دستخط کیے ہیں۔
قابض ریاست کے ساتھ اپنے معاہدے کے مطابق دونوں کمپنیاں “NINBUS” پروجیکٹ پر کام کر رہی ہیں، جو فوج کو مصنوعی ذہانت کی خدمات اور اسمارٹ مانیٹرنگ پروگرام فراہم کرتا ہے جن کی مدد سے اسرائیل اپنی پالیسیوں کو نافذ کرنے میں مدد لیتا ہے۔
دونوں کمپنیوں اور قابض ریاست کے درمیان منصوبے کے معاہدے کی مالیت 1.2 بلین ڈالر ہے۔ اس میں اسرائیلی ایجنسیوں کو سکیورٹی خدمات فراہم کرنا شامل ہے اور “اسرائیلی لینڈ ایڈمنسٹریشن” کے ڈیٹا کی مدد سے بستیوں کو وسعت دینے کے قابل بنانے کے لیے دونوں کمپنیوں کی کلاؤڈ سروسز کا استعمال بھی شامل ہے۔
