مغربی کنارے میں حماس کے کارکنوں کو اغواکرنے کا سلسلہ جاری

مغربی کنارے میں عباس ملیشیا کی جانب سے اسلامی تحریک مزاحمت (حماس) کے کارکنوں کو اغوا کرنے کا سلسلہ جاری ہے- فلسطینی صدر محمو د عباس کو براہ راست جوابدہ سیکورٹی فورسز نے گزشتہ رور حماس کے تین کارکنوں کو اغوا کیا- رام اللہ میں عباس ملیشیا کے اہلکاروں نے شہر کی ایک سڑک پر چلتے ہوئے اسکول ٹیچر خلیل حامد کو اغوا کیا – واضح رہے کہ خلیل حامد مغربی کنارے میں سلام فیاض حکومت کی سیاسی انتقامی کارروائی کا پہلے بھی شکار ہوچکے ہیں- انہیں حماس سے تعلق کی بناء پر ملازمت سے برطرف کردیا گیا تھا- طولکرم میں عباس ملیشیا نے یونیورسٹی کے ایک طالب علم کو اغوا کیا جبکہ الخلیل سے اس فلسطینی شہری کو اغوا کیا گیا جو حال ہی میں اسرائیلی قید سے رہائی پا کر گھرپہنچاتھا-