یہودی آبادیوں کی تعمیر جاری رکھنے پر نیتن یاہو، براک اوباما متفق

ایک اعلی اسرائیلی عہدیدار نے انکشاف کیا ہے کہ صہیونی وزیراعظم بنجمن نیتن یاہو اور امریکی صدر براک اوباما کے درمیان مقبوضہ مشرقی بیت المقدس میں یہودی بستیوں کی تعمیر جاری رکھنے پر اتفاق ہو گیا ہے۔

اسرائیلی حکومت کے میڈیا ایڈوائزر نیر حیفٹس نے فوجی ریڈیو کو ایک بیان میں کہا ہے کہ “القدس میں یہودی بستیوں کی تعمیر سے متعلق پالیسی پر امریکا سے ہمارا اس بات پر اتفاق ہے کہ اسے ہر صورت جاری رکھا جائے گا۔” انہوں نے مزید کہا کہ اسرائیل سیاسی عمل کو تیز کرنے کے لئے اقدامات اٹھانے پر بھی تیار ہے۔

مسٹر حیفٹس نے بعض اسرائیلی اخبارات میں شائع ہونے والی اس خبر کی تردید کی ہے جن میں یہ تاثر دینے کی کوشش کی گئی تھی کہ براک اوباما نے بنجمن نیتن یاہو پر زور دیا ہے کہ وہ مغربی کنارے میں اسرائیلی فوج کے زیر نگین علاقوں کا کنٹرول محمود عباس اتھارٹی کے حوالے کر دیں۔

صہیونی میڈیا ایڈوائزر نے کہا کہ براک اوباما اور بنجمن نیتن یاہو کے درمیان اصل اختلاف مغربی کنارے میں یہودی بستیوں کی تعمیر منجمد کرنے کی مدت دس ماہ سے بڑھانے پر ہے۔ امریکا چاہتا اس یکطرفہ پابندی کی مدت میں توسیع چاہتا ہے۔