یورپی وزرا کے وفد کا دورہ غزہ ستمبر تک موخر

اٹلی کے وزیر اعظم فرینکو فراٹینی نے یورپی وزراء خارجہ کے غزہ کی پٹی کے دورے کے ستمبر تک موخر کیے جانے کا اعلان کیا ہے، طے شدہ شیڈول کے مطابق یہ دورہ اس ماہ کے آخر میں ہونا تھا، انہوں نے دورے کے ملتوی ہونے کی وجہ بتاتے ہوئے کہا کہ یہ دورہ بڑا اہم ہے لہذا اس کی تیاری کے لیے وقت درکار ہے۔ فراٹینی نے روم میں ذرائع ابلاغ کو دیے گئے بیان میں واضح کیا کہ اسرائیل نے یورپی وزراء خارجہ کو غیر مشروط طور پر غزہ کی پٹی میں داخل کرنے کی یقین دہائی کرا دی ہے۔ اس موقع پر اٹلی کے وزیر خارجہ نے کہا کہ اس دورے کا مقصد غزہ کی پٹی میں انسانی زندگی کی صورتحال کو دیکھنا ہے، یہ سمجھنا ہے کہ غزہ کی پٹی کے چار سالہ محاصرے کے باوجود وہاں فلسطینی کیسے زندگی گزار رہے ہیں۔