مقبوضہ بیت المقدس کی بلدیہ نے گندے نالے میں بڑا پتھر پھینک دیا

مقبوضہ بیت المقدس کی بلدیہ نے فلسطینی شہریوں کے محلے راس الخیمہ سے گزرنے والے نالے میں بڑا پتھر پھینک دیا جس سے گندا پانی محلے کی گلیوں میں جمع ہوگیا ہے- اس صورتحال کو ایک ہفتہ سے زائد کا عرصہ گزر گیا ہے- شہریوں نے بلدیہ کو متعدد شکایتیں کی ہیں لیکن اس نے کسی شکایت پر کان نہیں دھرا- فلسطینی آئینی حکومت کے وزیر اوقاف طالب ابو شعر نے صہیونی بلدیہ کی مذمت کرتے ہوئے کہا ہے کہ کھڑے پانی سے نہ صرف بدبو پھیل رہی ہے بلکہ وبائی امراض کے پھوٹنے کا خطرہ ہے- طالب ابو شعر نے کہا کہ اسرائیلی حکومت فلسطینی شہریوں کو مقبوضہ بیت المقدس میں بے دخل کرنے کے لیے مختلف طریقے سے دباؤ ڈالتی ہے- مقبوضہ بیت المقدس کی بلدیہ کا اقدام بھی انہیں طریقوں کا تسلسل ہے-