Connect with us

اسرائیل کی تباہی میں اتنا وقت باقی ہے

  • دن
  • گھنٹے
  • منٹ
  • سیکنڈز

Uncategorized

مصر نے جہاد اسلامی کے راہنما کو حج پر جانے سے روک دیا

mohammed-al-hindi مصری حکام نے فلسطینی مزاحمت جماعت”جہاد اسلامی” کے سیاسی شعبے کے سربراہ محمد الھندی کو فریضہ حج کی ادائیگی کے لیے مکہ مکرمہ جانے سے روک دیا۔ عالمی خبررساں ادارے یونائٹیڈ پریس انٹرنیشنل کی رپورٹ کے مطابق محمد الھندی نے منگل کے روز غزہ کی پٹی سے رفح راہداری کے راستے مصر میں جانے کی کوشش کی، سفری دستاویزات مکمل ہونے اور فلسطینی حکومت کی جانب سے اسکی تصدیق کے باوجود مصری حکام نے انہیں حج پر جانے سے روک دیا۔ دوسری جانب جہاد اسلامی اور اسلامی تحریک مزاحمت (حماس) کی جانب سے مصری اقدام کی شدید مذمت کرتے ہوئے حجاج کرام کو اپنی سرزمین سے حجاز مقدس کے لیے سفری سہولتیں فراہم کرنے کا مطالبہ کیا ہے۔ الہندی کو رفح راہداری پر روکے جانے کے بعد جہاد اسلامی کے ترجمان شیخ خالد البطش نے ایک پریس کانفرنس میں کہا کہ مصر اور فلسطینی عوام میں تاریخی، دیرینہ اور دوستانہ و برادرانہ تعلقات قآئم رہے ہیں،قاہرہ سے یہ توقع نہیں کی جا سکتی کہ وہ فلسطینی عازمین حج کے سفرحج میں رکاوٹیں پیدا کرے گا۔ انہوں نے مصری حکام سے مطالبہ کیا کہ وہ محمد الھندی سمیت روکے گئے تمام عازمین حج کی رکاوٹوں کو دور کرے اور انہیں حجاز مقدس سفر کی ہر ممکن سہولت فراہم کرے۔

Click to comment

Leave a Reply

Your email address will not be published. Required fields are marked *

Copyright © 2018 PLF Pakistan. Designed & Maintained By: Creative Hub Pakistan