مصر میں انقلابی لہر پر امریکا، اسرائیل کا تبادلہ خیال

اسرائیلی حکومت کے عہدیداروں نے امریکی انتظامیہ سے رابطہ کرکے مصر کی کشیدہ صورتحال کو خطرناک قرار دیا ہے اور وہاں کی نازک صورتحال سے اسرائیلی سکیورٹی کو لاحق خطرات پر تبادلہ خیال کیا۔ اسی دوران اسرائیل کی سیاسی اور عسکری قیادت نے مصر میں صدر حسنی مبارک خلاف عوامی کی احتجاجی مظاہروں پر اپنی مشاورت مکمل کی اور مصر میں حکومت کی تبدیلی کے اسرائیل پر منفی اثرات کا جائزہ لیا۔ واضح رہے کہ مصر کی حکومت نے مصر میں پیدا ہونے والی سکیورٹی کی کشیدہ صورتحال اور سیاسی ابتری کو انتہائی اہم قرار دیا ہے۔ مصر میں ہونے والے مظاہروں سے اسرائیل سخت خوف زدہ ہوگیا ہے۔ وہ قاھرہ میں ہونے والی کسی بڑی تبدیلی کو صہیونی ریاست کے اسٹریٹجک مفادات کے نقصان دہ گردان رہا ہے۔