مسجد اقصی کی دیوار براق کو سائن بورڈ کے طور پر استعمال کرنے کے لیے اسرائیل کی قانون سازی

اسرائیل مسجد اقصی کی دیوار براق کو سائن بورڈ بنانے کے بارے میں غور کر رہا ہے- تل ابیب سے عبرانی زبان میں شائع ہونے والے اخبار ’’ہارٹز‘‘کے مطابق قانون سازی کے لیے اس مسئلے کو پارلیمنٹ میں پیش کیا جائے گا- قانون سازی کے بعد کوئی بھی کمپنی رقم دے کر اپنا اشتہار لوگو یا تصویر دیوار براق پر لگا سکے گی- دیوار براق کو اشتہارات کے لیے استعمال کرنے میں امریکی کمپنی ’’کوٹ لاڈ ‘‘کی خدمات حاصل کی جائیں گی جو جدید ٹیکنالوجی کے ذریعے سائن بورڈ کا استعمال کرے گی- یہ کمپنی لیزر پروجیکٹر کے استعمال کے حوالے سے شہرت رکھتی ہے- کمپنی کے مالک جو کنگ کا کہنا ہے کہ دیوار سے تجارتی منافع حاصل ہو گا- انہوں نے مزید کہا کہ دیوار براق یہودیوں کا مذہبی اور روحانی مرکز ہے- اس سے فائدہ اٹھانا چاہیے-