Connect with us

اسرائیل کی تباہی میں اتنا وقت باقی ہے

  • دن
  • گھنٹے
  • منٹ
  • سیکنڈز

پی ایل ایف نیوز

مسجد اقصیٰ میں جمعہ نماز کی ادائیگی کے دوران اسرائیلی فوج کا حملہ اسلام پر حملہ ہے. سینیٹر حاجی محمد عدیل خان

 

 

 

 

مسجد اقصیٰ میں جمعہ نماز کی ادائیگی کے دوران اسرائیلی فوج کا حملہ اسلام پر حملہ ہے،امریکہ میں اسلام

Haji Muhammad Adeel Khan

 

 

 

 

مسجد اقصیٰ میں جمعہ نماز کی ادائیگی کے دوران اسرائیلی فوج کا حملہ اسلام پر حملہ ہے،امریکہ میں اسلام

مخالف فلم اور اسرائیل کی جانب سے مسجد اقصیٰ کی مسلسل بے حرمتی عالم اسلام اور انسانیت کے خلاف کھلی جنگ کا اعلان ہے،امریکہ اور اس کی ناجائز اولاد اسرائیل انسانیت کے دشمن ہیں۔ان خیالات کاا ظہار فلسطین فاؤنڈیشن پاکستا ن کی مرکزی سرپرست کمیٹی کے اراکین عوامی نیشنل پارٹی کے مرکزی سینئر نائب صدراور چیئر مین قائمہ کمیٹی برائے امور خارجہ سینیٹر حاجی محمد عدیل خان ،سابق رکن قومی اسمبلی مظفر احمد ہاشمی (رہنما جماعت اسلامی)،علامہ قاضی احمد نورانی صدیقی(رہنما جمعیت علماء پاکستان)،پاکستان عوامی مسلم لیگ کے رہنما محفوظ یار خان ایڈووکیٹ ،مجلس وحدت مسلمین پاکستان کے رہنما موانا صادق رضا اور فلسطین فاؤنڈیشن پاکستان کے مرکزی ترجمان صابر کربلائی نے مسجد اقصیٰ پر تازہ اسرائیلی حملہ اور نمازیوں پر اسرائیلی تشدد کی شدید مذمت کرتے ہوئے کیا۔

فلسطین فاؤنڈیشن پاکستان کے رہنماؤں کاکہنا تھا کہ جب تک مسلم ممالک اور اسلامی حکومتیں خاموش تماشائی بنی رہیں گی اس وقت تک اسلام کے مقدسات اور شعائر اللہ کی توہین کا سلسلہ بند ہونا نا ممکن ہے ان کاکہنا تھا کہ مسلم دنیا کو بالخصوص عالمی استعمار امریکہ اور عالمی دہشت گرد اسرائیل کے خلاف سنجیدہ اقدامات پر غور کرنا ہو گا انہوں نے کہا کہ گذشتہ روز غاصب صییونی افواج اور صیہونی آبادکاروں نے مشترکہ طور پر عین اس وقت مسجد اقصیٰ پر حملہ کر دیا جب مسجد اقصیٰ میں نماز جمعہ کی ادائیگی کے لئے لوگ جمعہ ہو رہے تھے ۔
فلسطین فاؤنڈیشن پاکستان کے رہنماؤں کاکہنا تھا کہ قابض یہودی آباد کاروں کی جانب سے مسجد اقصیٰ میں گھس کر اس کی بے حرمتی کرنا اور امریکہ میں صیہونی امریکی فلم میکر کی جانب سے توہین آمیز اسلام مخالف فلم اور پیغمبر اکرم (ص) کی شان میں گستاخی ایک ہی سازش کی دو کڑیاں ہیں اور ایسے واقعات آئے روز کا معمول بن گئے ہیں،انہوں نے کہا کہ درجنوں صہیونیوں نے مراکشی دروازے سے قبلہ اول میں داخل ہوکر مسلمانوں کے اس تیسرے مقدس ترین مقام کا تقدس پامال کیا۔
رہنماؤں نے کہا کہ مسجد اقصیٰ میں موجود نمازیوں کو تشدد کا نشانہ بنانا اور بلا جواز گرفتار کرنا اس بات کی کھلی دلیل ہے کہ اسرائیل ایک عالمی وحشی درندہ ہے جس کا وجود اب ناگزیر ہے انہوں نے مسلم امہ سے اپیل کی کہ امریکہ میں بننے والی اسلام مخالف فلم اور مسجد اقصیٰ پر ہونے والے متواتر حملوں کے خلاف سراپا احتجاج بن جائیں۔

 

 

 

 

 

 

Click to comment

Leave a Reply

Your email address will not be published. Required fields are marked *

Copyright © 2018 PLF Pakistan. Designed & Maintained By: Creative Hub Pakistan