Connect with us

اسرائیل کی تباہی میں اتنا وقت باقی ہے

  • دن
  • گھنٹے
  • منٹ
  • سیکنڈز

Uncategorized

محمود عباس مفاہمت کے حصول میں ناکامی پر حکومت چھوڑ دیں: فلسطینی ڈپٹی اسپیکر

palestine_foundation_pakistan_dr-ahmed-bahr-the-first-deputy-speaker-of-the-palestinian-legislative-council-plc5

فلسطینی مجلس قانون ساز کے ڈپٹی اسپیکر ڈاکٹر احمد بحر نے کہا ہے کہ فلسطینی مقدس مقامات پر صہیونی خطرات کے بادل گھنے ہوتے جا رہے ہیں اور مسئلہ انتہائی خطرناک مرحلے میں داخل ہو گیا ہے اس موقع پر محمود عباس فلسطینی مفاہمت کو پورا کریں یا ناکامی کا اعتراف کرتے ہوئے حکومت سے باہر آ جائیں۔ انہوں نے یہ باتیں یمن میں مختلف تقریبات میں شرکت اور شخصیات سے ملاقات کے دوران کیں۔ واضح رہے کہ فلسطینی مجلس قانون ساز کا ایک وفد خارجہ امور کی پارلیمانی کمیٹی کے غیر ملکی دوروں کے ضمن ان دنوں یمن میں ہے۔ مجلس قانون ساز کے وفد نے یمن کے سرکاری عہدے داروں، میڈیا اور معروف شخصیات کو اسرائیل جارحیتوں کا شکار فلسطینی قوم کے ابتر اور انتہائی مخدوش حالات سے آگاہ کیا بالخصوص چار سال سے زائد عرصے سے صہیونی محاصرے میں زندگی بسر کرنے والے اہل غزہ کی مشکلات سے آگاہ کیا۔ وفد نے بتایا کہ رام اللہ اٹھارٹی نے اسرائیل کے ساتھ سکیورٹی تعاون کے نام پر اپنے ہم وطن فلسطینی بھائیوں کی زندگی اجیرن کر رکھی ہے۔ فلسطینی پارلیمانی وفد نے غزہ کا محاصرہ توڑنے کے لیے یمن سے ٹھوس کردار ادا کرنے کا مطالبہ کیا اور اپنے فلسطینی بھائیوں کی ظالمانہ ناکہ بندی سے نجات کے لیے ہر طرح کی مادی اور اخلاقی مدد کرنے کی اپیل کی۔ وفد نے فلسطینیوں کے ساتھ اظہار یک جہتی کے فریم ورک میں یمن کے تنظیموں سے مثبت رول ادا کرنے کا مطالبہ کیا۔ یمن کے دورے پر آئے فلسطینی پارلیمانی وفد نے یمن میں موجود فلسطینی کمیونٹی کے آبادیوں کا معائنہ کر کے ان فلسطینیوں کی حالت زار سے یمن کے عہدے داروں کو آگاہ کیا جس پر یمن کی مختلف میڈیا اور سوشل سروسز کے اداروں نے فلسطینی مہاجرین کی نصرت کی مہم میں بڑھ چڑھ کر حصہ لینے کی یقین دہانی کرائی۔

Click to comment

Leave a Reply

Your email address will not be published. Required fields are marked *

Copyright © 2018 PLF Pakistan. Designed & Maintained By: Creative Hub Pakistan