محمود عباس فلسطینی مفاہمت کے لیے مثبت فضا فراہم نہیں کر رہے: حماس

اسلامی تحریک مزاحمت (حماس) نے فلسطینی صدر محمود عباس پر مفاہمتی فضا کو خراب کرنے کا الزام لگایا ہے- حماس کے ترجمان ڈاکٹر سامی ابوزھری نے محمود عباس کے حماس کے پولٹ بیورو کے سربراہ خالد مشعل سے ملاقات سے انکار کو تنقید کا نشانہ بناتے ہوئے کہا کہ فلسطینی صدر کا بیان اس بات کی دلیل ہے کہ فتح فلسطینی مفاہمت میں سنجیدہ نہیں ہے- سامی ابوزھری نے الجزیرہ کو انٹرویو میں کہا کہ محمود عباس کے بیانات فلسطینی مفاہمت کی فضا کو خراب کررہے ہیں جبکہ حماس کے رہنماؤں نے مثبت اشارے دیے ہیں- وہ مفاہمت کے لیے تیار ہیں- واضح رہے کہ محمود عباس نے اپنے ایک بیان میں خالد مشعل سے ملاقات سے انکار کیا ہے- سامی ابوزھری نے کہا کہ حماس مفاہمت کے لیے تیار ہے- اس کی دلیل فتح کی مرکزی کمیٹی کے رکن ڈاکٹر نبیل شعت کا غزہ میں استقبال ہے- حماس کے ترجمان نے واضح کیا کہ بال مصر کے کورٹ میں ہے، حماس نے مصر کہا ہے کہ وہ فریقین کو قاہرہ میں اکٹھا کرے