قبلہ اول صرف بندوق سے آزاد کرایا جا سکتا ہے: رضوان

اسلامی تحریک مزاحمت (حماس) کے رہنما ڈاکٹر اسماعیل رضوان نے کہا ہے کہ اسرائیل صرف طاقت کی زبان سمجتھا ہے اور قبلہ اول کی آزادی کے لیے بندوق کا استعمال ضروری ہے، طاقت کے ذریعے ہی قبلہ اول کو یہودیوںکے پنجوں سے چھڑایا جا سکتا ہے۔ گذشتہ روز اسرائیلی فوج کے مسجد اقصیٰ پر حملوں کےخلاف نکالی گئی ا یک ریلی سے خطاب کرتے ہوئے انہوں نے کہا کہ اسرائیل نے مسجداقصیٰ میں فوجیں داخل کرکے ایک بڑی جنگ کا آغاز کر دیا ہے، اب یہ جنگ قبلہ اول کی ازادی تک جاری رہے گی۔ معراج رسول صلی اللہ علیہ وسلم کے اس مقدس مقام کو یہودیوں کے ناپاک پاؤں تلے روندنے کی ہرگز اجازت نہیں دیں گے، اس سلسلے میں اپنی جان اور مال ہر قسم کی قربانی سے دریغ نہیں کریں گے۔