قابض اسرائیلی فوج کے ہاتھوں مزید دو فلسطینی نوجوانوں کی شہادت

قابض اسرائیلی فوج نے اتوار کی سہ پہر مزید دو فلسطینی نوجوانوں کو شہید کر دیا۔ میڈیکل ذرائع کےمطابق قابض اسرائیلی فوج نے شمالی مغربی کنارے کے شہر نابلس میں ائتمار یہودی بستی کے قریب دو فلسطینی نوجوانوں کو شہید کر دیا

عینی شاہدین کے مطابق شہید ہونے والوں میں صلاح قواریق اور محمد قواریق شامل ہیں اور ان کی عمریں بالترتیب 18 اور 19 سال ہیں

اسرائیلی ریڈیو کے مطابق دونوں نوجوان حوارہ راہداری کے قریب اسرائیلی فوجیوں پر حملہ کرنے کے شبہ میں شہید ہوئے، جبکہ عینی شاہدین نے واضح کیا کہ نوجوانوں کے پاس کھیتوں میں کام کرنے والے اوزار موجود تھے اور وہ کام کے سلسلے میں اپنے کھیتوں کی طرف جا رہے تھے