Connect with us

اسرائیل کی تباہی میں اتنا وقت باقی ہے

  • دن
  • گھنٹے
  • منٹ
  • سیکنڈز

پی ایل ایف نیوز

فلسطین فاؤنڈیشن پاکستان کے تحت یوم القدس پر تصویری نمائش کا انعقاد

کراچی (فلسطین نیوز۔مرکز اطلاعات) فلسطین فاؤنڈیشن پاکستان نے ملک بھر میں یوم القدس کانفرنسوں کے انعقاد کے بعد کراچی میں تحریک آزادی القدس کی جانب سے نکالی جانے والی مرکزی آزادی القدس ریلی کے دوران فلسطین میں ڈھائے جانیوالے صہیونی مظالم کی منظر کشی کے لئے تصویری نمائش کا انعقاد کیا۔ تصویری نمائش مرکزی مقام سی بریز سینٹر کے سامنے لگائی گئی تھی جہاں مختلف تصاویر آویزاں کی گئی تھی جن میں صہیونی جارح اور جعلی ریاست اسرائیل کی جانب سے مظلوم فلسطینیوں پر روا رکھے جانے والے مظالم کو آشکار کیا گیا تھا۔

فلسطین نیوز کو موصول ہونے والی اطلاعات کے مطابق تصویری نمائش میں ہزاروں افراد نے شرکت کی اور شہریوں نے فلسطین فاؤنڈیشن پاکستان کے اقدامات کو سراہا۔

یوم القدس کے موقع ہر منعقدہ تصویری نمائش میں سیاسی ومذہبی رہنماؤں سمیت سول سوسائٹی اور یوتھ تنظیموں بشمول سابق رکن سندھ اسمبلی محفوظ یار خان، اسرار عباسی، مسلم پرویز، ڈاکٹر عالیہ امام، عرم بٹ، پیر ازہرعلی ہمدانی، عمران شہزاد، مولانا صادق رضا ، مولانا جعفر سبحانی، یوتھ پارلیمنٹ سے ڈاکٹر اقرا رضوی، اسد، فیضان، محسن اور دیگر نے شرکت کی۔

میڈیا کے نمائندوں سے بات چیت کرتے ہوئے فلسطین فاؤنڈیشن پاکستان کے سربراہ صابر ابو مریم کا کہنا تھا کہ یوم القدس کے موقع پرتصویری نمائش کا انعقاد اس لئے کیا گیا ہے تا کہ نئی نسل تک فلسطین کے پیغام کو منتقل کیا جائے اور عوام الناس کو مسئلہ فلسطین سے متعلق مکمل آگہی فراہم کی جائے ۔

Click to comment

Leave a Reply

Your email address will not be published. Required fields are marked *

Copyright © 2018 PLF Pakistan. Designed & Maintained By: Creative Hub Pakistan