فلسطین فاؤنڈیشن پاکستان کے وفد کی لبنان میں جہاد اسلامی فلسطین کے رہنما ابو عماد الرافع سے ملاقات

پاکستان میں فلسطین کانفرنس میں شرکت کی دعوت

جہاد اسلامی کے مرکزی رہنما ابو عماد الرافع سے ملاقات کے دوران سابق رکن قومی اسمبلی و رہنما جماعت اسلامی مظفر احمد ہاشمی کاکہنا تھا کہ پاکستان کے عوام فلسطینیوں کے ساتھ ہیں اور فلسطینیوں کی حق واپسی کی حمایت کرتے ہیں ،اس موقع پر فلسطین فاؤنڈیشن پاکستان کے مرکزی ترجمان صابر کربلائی کاکہنا تھا کہ فلسطین ،فلسطینیوں کی سر زمین اور ان کا وطن ہے جسے دنیا کی کوئی طاقت ان سے نہیں چھین سکتی ہے ان کاکہنا تھا کہ اسرائیل کا وجود غاصبانہ اور غیر قانونی ہے جسے نابود ہونا چاہئیے۔انہوں نے مزید کہا کہ پاکستان کے غیور عوام نے ہمیشہ تحریک آزادی فلسطین کی جدوجہد کی حمایت کی ہے اور آج بھی حماس،حزب اللہ اور جہاد اسلامی کی حمایت کرتے ہیں۔

فلسطین فاؤنڈیشن پاکستان کے وفد سے بات چیت کرتے ہوئے جہاد اسلامی فلسطین کے رہنما ابو عماد نے فلسطین فاؤنڈیشن پاکستان کی سرگرمیوں کو سراہتے ہوئے امید کی کہ انشاء اللہ فلسطین جلد آزاد ہو گا اور دنیا بھر کے مسلمان مسجد اقصیٰ کی زیارت کو آ ئیں گے۔اس موقع پر فلسطین فاؤنڈیشن پاکستانکے وفد نے جہاد اسلامی فلسطین کے مرکزی رہنما ابو عماد الرافع کو ماہ رمضان المبارک میں پاکستان دورہ کرنے اور بین الاقوامی فلسطین کانفرنس میں شرکت کی دعوت دی جو انہوں نے قبول کر لی۔

واضح رہے کہ فلسطین فاؤنڈیشن پاکستان کا دو رکنی وفد جس میں مظفر احمد ہاشمی اور صابر کربلائی شامل ہیں ان دنوں لبنان کے دارالحکومت بیروت میں ایک بین الاقوامی فلسطین کانفرنس میں شرکت کے لئے موجود ہے۔