فلسطین فاؤنڈیشن پاکستان کے مرکزی جنرل سیکرٹری صابر ابو مریم کی لبنان کے معروف اہلسنت رہنما شیخ ماہر حمود سے ملاقات

فلسطین فاؤنڈیشن پاکستان کے مرکزی جنرل سیکرٹری صابر ابو مریم نے لبنانی دارالحکومت بیروت میں لبنان کے معروف اہلسنت رہنما شیخ ماہر حمود سے ملاقات کی اور جذبہ خیر سگالی کا اظہار کرتے ہوئے پاکستان میں فلسطین فاؤنڈیشن پاکستان کی سرگرمیوں سے آگاہ کیا۔
معروف لبنانی عالم دین شیخ ماہر حمود نے فلسطین فاؤنڈیشن پاکستان کی سرگرمیوں پر فلسطین فاؤنڈیشن پاکستان کو خراج تحسین پیش کرتے ہوئے کہا کہ مسئلہ فلسطین پورے عالم اسلام کا اہم ترین مسئلہ ہے اور فلسطین و قدس کی بازیابی ایک عقیدتی جذبے کے ساتھ جاری رکھنا یقیناًقابل تحسین ہے، اس موقع پر صابر ابو مریم نے شیخ ماہر حمود کو پاکستان آنے کی دعوت دی جو انہوں نے قبول کرتے ہوئے کہا کہ وہ بہت جلد پاکستان کا دورہ کریں گے اور پاکستان کے عوام سے خطاب کریں گے۔