فلسطینی وزارت برائے امور اسیران کی طرف سے مریض اسیر کی رہائی کا مطالبہ

فلسطینی وزارت برائے امور اسیران نے اسرائیلی جیلوں میں قید فلسطینی مریض اسیر نسیم رضوان محمو دکی رہائی کا مطالبہ کیاہے- وزارت کی طرف سے جاری بیان میں کہا گیاہے کہ نسیم رضوان کی حالت بہت خراب ہے – اسے فوری علاج کی ضرورت ہے – اس کی رہائی کے لئے بین الاقوامی اداروں کو فوری مداخلت کرنی چاہیے- بیان کے مطابق نسیم رضوان کو 20نومبر 2003ء اغوا کیاگیا اور اسے اسرائیلی فوجی عدالت نے 12سال قید کی سز ا سنائی – جس سال نسیم رضوان کو گرفتار کیاگیا تھا اسی سال وہ اسرائیلی ٹینک کے گولے سے زخمی ہواتھا اور اس کے پاؤں کی ہڈی ٹوٹ گئی تھی- اس کا چار مرتبہ آپریشن کیاگیا لیکن وہ صحت یاب نہ ہوسکا- فلسطینی وزارت صحت کے مطابق رضوان نسیم جیل میں بیساکھیوں کے سہارے چلتاہے – اسے اٹھتے بیٹھتے اپنے ساتھیوں کی ضرورت ہوتی ہے – اسے مصنوعی ٹانگ لگائے جانے کی ضرورت ہے – جیل انتظامیہ مصنوعی ٹانگیں لگانے کو مسترد کرتی ہے – وزارت کے مطابق اسرائیل مریض اسیروں کو جیل میں رکھ کر بین الاقوامی قوانین کی خلاف ورزی کررہی ہے –