فلسطینی ارکان پارلیمنٹ کی جانب سے حرم ابراہیمی کو یہودی آثار میں شامل کرنے کی مذمت

فلسطینی مجلس قانون ساز کے ارکان نے حرم ابراہیمی اور بلال بن رباح مسجد کو یہودی آثار قدیمہ میں شامل کرنے کے اسرائیلی فیصلے کی مذمت کی ہے- فلسطینی ارکان پارلیمنٹ ڈاکٹر حاتم قفیشہ اور محمد ماھر بدر نے کہا کہ اسرائیلی حکومت کا فیصلہ اسلامی مقدسات کے خلاف جارحانہ اقدام ہے- انہوں نے کہا کہ حرم ابراہیمی کے خلاف اسرائیلی فوج کی کارروائیوں میں اضافہ ہوا ہے- صہیونی فیصلہ اسلامی مقدسات کے خلاف جارحیت کے سلسلے کی ایک کڑی اور اسلامی مقدسات کو یہودیانے کی منصوبہ بندی ہے- ارکان پارلیمنٹ نے الخلیل کے مئیر اور اوقاف کے ڈائریکٹر سے ملاقات کی اور صہیونی سازش کے نتائج پر غور و حوض کیا- واضح رہے کہ حرم ابراہیمی الخلیل میں واقع ہے-